કર એક્વાર હવે તો દેશદ્રોહ.
કાં આપઘાત, કાં વિદ્રોહ.
જોઇ લીધી છે અસંખ્યવાર તેં
ઇતિહાસઆરસીમાં રડતી માની આંખ.
જો હજી પ્રજ્વલિત રહી એની
વૈરાગ્નિની આશ.
બાળવા ચહે જે હજુ શત્રુઓનાં દળકટક,
છેદવા ઝંખે હજુય એ આતતાયીઓનાં શર.
તોષાય ના કદી એની રક્તપિપાસા,
ધુંધવાતી રહી સદા ભીતર નિરાશા.
ખપ્પર જોગણી, બોલ તું અંગારવાણી,
રેડશો મા જીવદયાનું ટાઢુંબોળ પાણી.
કર એક્વાર હવે તો દેશદ્રોહ,
કાં આપઘાત, કાં વિદ્રોહ. 
No comments:
Post a Comment